Şagirdimizin fənn olimpiadalarının yarımfinal turundakı uğuru
Respublika fənn olimpiadalarının yarımfinal turunun nəticələri açıqlanıb.
Məktəbimizin X sinif şagirdi Fatiməxanım Quliyevanın finala vəsiqə qazananlar arasında olması kollektivimizi sevindirdi. Olimpiadaların təşkil edilməsi istedadlı uşaqların aşkara çıxarılması, şagirdlərdə fənlərə olan marağın artırılması, onların rəqabət mühitində öz bilik və bacarıqlarını nümayiş etdirmələrinə imkan yaradılması məqsədlərinə xidmət edir. Elə bu səbəbdən də Fatiməxanımın bu uğurunda onun kimya müəllimi Gülbacı Salamovanın da əməyi xüsusi qeyd olunmalıdır. Məktəbimizin bütün kollektivi adından Fatiməxanım Quliyevanı və onun uğurunda əməyi olan hər kəsi təbrik edir və Fatiməxanıma olimpiadanın final mərhələsində də qalibiyyət diləyirik.
Bakı Şəhəri üzrə Təhsil İdarəsi tərəfindən Respublika fənn olimpiadalarının final turuna vəsiqə qazanan məktəblilərlə onlayn görüşün təşkili və BŞTİ-nin müdiri Mehriban Vəliyevanın olimpiadanın yarımfinal turunda müvəffəqiyyət əldə edən məktəbliləri təbrik etməsi bu uğurların davamlı olacağına və əldə olunan təcrübənin gələcəkdə daha böyük nailiyyətlərə yol açacağına əminliyini ifadə etməsi hər bir iştirakçını qələbəyə inam hissləri ilə bərabər əzmkarlıq və zəhmətsevərliyə də sövq etdi.
