Salmanın uğurunun sevinci
Bakı Şəhəri üzrə Təhsil İdarəsi tərəfindən Lütfi Zadə adına Məktəblilərarası V Məntiq Olimpiadasının yekunlarına həsr olunmuş onlayn görüş keçirilib.
Görüşdə BŞTİ-nin müdiri Mehriban Vəliyeva, Təhsil Nazirliyinin Ümumi təhsilin təşkili və idarəolunması şöbəsinin Lisey, gimnaziya və özəl ümumi təhsil müəssisələri ilə iş sektorunun müdiri Fuad Qarayev, İdarənin müvafiq struktur bölmə rəhbərləri, məktəb direktorları və müsabiqənin qalibləri iştirak ediblər.
Müsabiqə iştirakçılarını təbrik edən BŞTİ-nin müdiri Mehriban Vəliyeva istedadlı şagirdlərin seçilib müəyyənləşdirilməsində Lütfi Zadə adına Məktəblilərarası Məntiq Olimpiadalarının təşkilinin mühüm rol oynadığını vurğuladı.Təhsil Nazirliyinin sektor müdiri Fuad Qarayev də şagirdlərin məntiqi biliklərinin artırılmasına təkan vermək baxımından bu kimi olimpiadaların keçirilməsini yüksək dəyərləndirdi.
Onlayn görüşdə V Məntiq Olimpiadasından bəhs edən videoçarx nümayiş etdirildi və tədbir ədəbi-bədii kompozisiyalarla davam etdirildi.
Lütfi Zadə adına Məktəblilərarası V Məntiq Olimpiadasının qaliblərinin fevralın 3-də görkəmli elm xadimi, dünyaşöhrətli alim Lütfi Zadənin qəbirüstü abidəsini ziyarət etməsi şagird və valideynlər tərəfindən təqdir olundu.
Olimpiada qalibləri arasında məktəbimizin şagirdi Salman İmamverdiyevin də yer alması bizi sevindirdi .Salmanı ürəkdən təbrik edir və daha böyük nailiyyətlər diləyirik.
