Şagirdimiz Aylinin “Zima-2019” beynəlxalq uşaq festivalında möhtəşəm çıxışı
Azərbaycan Mədəniyyət Nazirliyinin və “Beat Group” şirkətinin dəstəyi ilə Heydər Əliyev Sarayında “Zima-2019” beynəlxalq uşaq festivalı keçirilib.
Tədbirdə Heydər Əliyev Fondunun vitse-prezidenti Leyla Əliyeva iştirak edib.
Konsertdən əvvəl qırmızı xalı üzərindən keçən gənc vokalçılar festivaldan gözləntilərini paylaşıblar. Qeyd edək ki, festivalda iştirak üçün 100-dən çox istedad müraciət etmişdi. Onların yalnız 21-i finala çıxıb ki,onlardan biri də məktəbimizin 7-ci sinif şagirdi Aylin Nağıyeva idi. Festivalda, həmçinin Türkiyə, Rusiya, Gürcüstan və digər ölkələrdən olan ifaçılar iştirak ediblər.
Festivalda çıxış edən iyirmidən çox gənc istedad Azərbaycanın və dünyanın məşhur hitlərini səsləndiriblər.
Sonda bütün iştirakçılara diplom və xatirə hədiyyələri təqdim edilib. Festivalın təşkilatçıları festival iştirakçılarına böyük ümidlər bəslədiklərini bildirərək, yeni istedadların üzə çıxarılmasında belə tədbirlərin əhəmiyyətini qeyd ediblər.
