Ulu Öndər, böyük Azərbaycanlı Heydər Əliyevin anım gününü qeyd edirik
Bu gün məktəbdə Ulu Öndər, böyük Azərbaycanlı Heydər Əliyevin anım günü keçirildi. Heydər Əliyevin həyat və fəaliyyətini əks etdirən videofilmlə başlanan tədbir ədəbi bədii kompozisiya ilə davam etdirildi. Məktəbin şagirdlərinin ifasında Ulu Öndərə həsr olunmuş şerlər söylənilməklə yanaşı, Bülbül adına orta ixtisas musiqi məktəbinin şagirdlərinin ifasında Ümummilli liderin ən çox sevdiyi musiqi – bəstələr səsləndi.
Tədbirin sonunda çıxış edən direktor - Azərbaycan xalqının tarixində müstəsna rolu olan Ümummilli lider haqqında danışaraq bildirdi ki, Azərbaycan xalqı xoşbəxtdir ki, onun Heydər Əliyev kimi Ulu Öndəri, dünyanın hörmətlə yanaşdığı və qəbul etdiyi Ümummilli lideri var. Və bu gün hər birimiz dərk edirik ki, müstəqil Azərbaycan dövləti bütün həyatı və fəaliyyəti tariximizə qızıl hərflərlə həkk olunmuş Heydər Əliyevin şah əsəridir. Şübhə yoxdur ki, xalqımız onun müəllifini özünün tarixində və qəlbində əbədi yaşadacaq, Azərbaycan və Heydər Əliyevin adı əsrlər boyu bütün dünyada qoşa səslənəcəkdir.
