Məktəbimizin 9 b sinif şagirdi Fərid Ağayev İsveçrənin Surix şəhərində keçirilən Karate üzrə Avropa çempionatında həm fərdi və həm də komanda halında bütün rəqiblərinə qalib gələrək qızıl medala layiq görülüb. Fəridi ürəkdən təbrik edir, ona daha böyük qələbələr arzulayırıq. Əminik ki, gələcəkdə Fərid hətta Olimpiya çempionatında doğma Azərbaycanımızı təmsil edəcək və Azərbaycan bayrağını ucalara yüksəldərək bizləri qürurlandıracaq.
Məktəbimizin III sinif şagirdi Şərifzadə İsmayıl Tbilisidə keçirilən Qafqaz regionu üzrə Kinqbox Beynəlxalq çempionatında qalib olmuş, vətənə qızıl medalla qayıtmışdır. İsmayılın bu qələbəyə Ermənistan təmsilçisini məğlub etməklə nail olması bizi daha da qürurlandırır. Azərbaycan bayrağının məktəbimizin şagirdi sayəsində yenidən ucaldılacağına əminlik hissi ilə yaxın günlərdə Türkiyədə keçiriləcək yarışmada İsmayıla nailiyyətlər diləyirik.