Düşmənə dərs keçən müəllimlər
Məktəbimizdə 5 oktyabr-Beynəlxalq Müəllimlər günü ilə əlaqədar şəhid müəllimlərimizə həsr olunmuş dərs təşkil olunmuşdur. İlk öncə şəhidlərimizin ruhu bir dəqiqəlik sükutla yad edildi. Məktəbin Azərbaycan dili və ədəbiyyat müəllimi Gülcamal Hüseynli təhsil sahəsində çalışan 700 nəfərin Vətən müharibəsində iştirak etdiyini, onlardan 20 təhsil işçisinin şərəfli müəllim ömrünü şəhidlik zirvəsi ilə başa vurduğunu qeyd etdi. Şagirdlər şeirlərini səsləndirdilər. Qəhrəmanlarımızın həyat və döyüş yolunu əks etdirən filmlər nümayiş etdirdilər.
