MƏKTƏBİN “ŞAHİNLƏR” KOMANDASI HƏRBİ-İDMAN YARIŞLARINDA İŞTİRAK ETDİ
13 apreldə Heydər Əliyev adına Ali Hərbi Məktəbdə "Şahinlər" hərbi-idman oyunları keçirilib. Bu yarış Bakı şəhəri Xətai rayon orta ümumtəhsil məktəblərinin şagirdləri arasında təşkil olunmuşdur. Əvvəlcə komandalar təntənəli marşla tribuna önündən keçdilər. Yarışa qatılan 8-10-cu sinif şagirdləri sıra hazırlığı, sanitarların yarışı, mülkü müdafiə, fiziki hazırlıq, çətin maneələrin dəf olunması və digər mərhələlərdə bacarıqlarını nümayiş etdirdilər. “Şahinlər” hərbi-idman yarışının keçirilməsində əsas məqsəd gənc nəslin hərbi vətənpərvərlik tərbiyəsinə diqqət və qayğının daha da artırılması, həmçinin şagirdlərin hərbi xidmətə hazırlanmasında köməkliyin göstərilməsidir.
Məktəbimizin “Şahinlər” komandası öz hərbi və fiziki bacarıqlarını nümayiş etdirərək yarışmada digərlərindən fərqlənmişdi.