NOVRUZ BAYRAMINA HƏSR OLUNMUŞ TƏDBİR
Martın 14-ü məktəbdə “Novruz bayramı”na həsr olunmuş tədbir keçirilmişdir. Tədbiri 3 “C” sinif şagirdləri sinif müəllimi Samirə Xəlilovanın rəhbərliyi ilə təqdim etmişlər.Gözəl səhnə tərtibatı əsl yaz günlərindən xəbər verirdi. Novruz ənənələrinə uyğun olaraq Kosa və Keçəl kimi rəmzi obrazların, adətlərimizin təqdimatının verilməsi tədbirə xüsusi ahəng qatmışdı. Məktəblilər öz ifalarında səsləndirdikləri şeir və musiqi nömrələri ilə tamaşaçıların rəğbətini qazandılar. Balaca fidanların çıxışları alqışlarla qarşılandı. Tədbirdə məktəb müdiriyyəti, müəllimlər, valideynlər və şagirdlər iştirak edirdilər. Məktəbin direktoru Nazilə Əliyeva sonda öz ürək sözləri və təbrikləri ilə tədbiri yekunlaşdırdı.
