Müəllimimiz Rusiya səfərindən uğurla qayıtdı
23-27 noyabr tarixlərində Rusiya səfirliyi, Azərbaycan Rusiya İnformasiya və Mədəniyyət Mərkəzinin təşkilatçılığı ilə təşkil olunmuş seminarda MDB və xarici ölkələrdə ,,Rus dili” fənnini tədris edən müəllimlər iştirak etmişlər. Azərbaycandan gedən nümayəndə heyətinin tərkibində məktəbimizi rus dili müəllimi Tacirə Axundova təmsil edirdi.
Dörd gün ərzində Moskva şəhərində keçirilən bu beynəlxalq seminarda iştirakçılar ,,Master – Klass” dərslərində iştirak etmiş və lisey məktəblərdəki tədris prosesi ilə yaxından tanış olmuşlar. İştirakçılar üçün asudə vaxtlarda ,,Kiçik teatr”, ,,Kamera orkestiri”nin konsertinə ekskursiyalar təşkil edilmişdir. Sonda tədbir iştirakçılarına sertifikatlar təqdim edilmiş və xoş təssüratlarla vətənə dönmüşlər.
