9 NOYABR-DÖVLƏT BAYRAĞI GÜNÜNƏ HƏSR EDİLMİŞ TƏDBİR KEÇİRİLMİŞDİR
08 noyabrda 17 nömrəli tam orta məktəbdə 9 Noyabr –Dövlət Bayrağı Günü ilə əlaqədar bir sıra tədbirlər keçirilmişdir.
Ənənəvi olaraq hər il keçirilən tədbirlərdə şagirdlərə dövlətçilik ideyalarına və dövlət atributlarına hörmət hissi aşılanır. Bu məqsədlə, Azərbaycan dili müəllimi Manafova Esmira və 4,,Ç” sinif müəllimi Hacıyeva Lalənin rəhbərliyi ilə rus bölməsinin 4-cü sinif şagirdlərinin iştirakı ilə “Bir dəfə yüksələn Bayraq, bir daha enməz” adlı tədbir keçirilmişdir.
Tədbir Azərbaycan Respublikasının Dövlət Himninin sədaları altında Azərbaycan Respublikasının Dövlət Bayrağının gətirilməsi ilə başlamış, şagirdlərin çıxışları ilə davam etmişdir.
Tədbir zamanı şagirdlər mövzu ilə bağlı şeir,mahnı ifa etmiş, milli rəqslərimizi nümayiş etdirmişlər.
Tədbirdə məktəbin direktoru Nazilə Əliyeva, direktor müavinləri, müəllimlər və valideynlər iştirak etmişlər.
