,,Buta” layihəsinin təqdimatı oldu
İyunun 5-də məktəbin 2”C” sinfində “Dünyaşöhrətli Azərbaycan şedevrləri” adı altında “Buta” layihəsinin təqdimatı oldu. Dekorativ tətbiqi sənət nümunələrindən sayılan xalçalarımız bizim milli-mənəvi dəyərlərimizdəndir. Onları bəzəyən əsas bəzək elementi butadır. Məhz bu mövzuya həsr olunmuş dərs saatı təsviri incəsənət müəllimi Qurbanova Mərcanə və sinif müəllimi Xəlilova Samirə tərəfindən təşkil olunmuşdur. Təqdimat zamanı müəllimlər təsviri incəsənət və texnologiya fənlərinə inteqrasiya edərək, şagirdlərə maraqlı məlumat verdilər. Bu layihədə iştirak edən şagirdlər eyni zamanda müxtəlif təqdimatlar hazırlamaqla öz bilik və bacarıqlarını nümayiş etdirdilər.