AXC-nin 100- illik yubileyinə həsr olunmuş sinif tədbirləri keçirildi
25 may tarixində AXC-nin 100 illik yubileyinə həsr olunmuş bir sıra tədbirlər sinif müəllimləri: Rəhimova Məhsəti 2"D" sinfində açıq dərs, Rzayeva Cəmilə 4"E", Sanıyeva Bəturə 3"E", Hacıömərova Nailə 2"B" siniflərində sinif saatları keçirmişlər. 5"B" sinif rəhbəri Ülkər Allahverdiyeva və 6"C" sinif rəhbəri Samirə Soltanəliyeva öz siniflərində mühazirə-dərs təşkil etmişlər. Bu sinif tədbirlərində şagirdlər AXC-nin yaranması yubileyinə həsr olunmuş məlumatlarla yanaşı, vətənə, bayrağa, torpağa aid şeirlər söyləmişlər. Eyni zamanda şagirdlərin əl işlərindən ibarət sərgi də təşkil olunmuşdur. Sonda şagirdlər öz həmrəyliklərini nümayiş etdirərək havaya şarlar buraxmış və Vətənimizin daha da çiçəklənməsini arzulamışlar.
