AXC -nin 100 illik yubileyinə həsr olunmuş tədbir keçirildi
23 may tarixində məktəbimizdə Azərbaycan dili və ədəbiyyat müəllimi Babayeva Şəbnəmin təşkilatçılığı ilə 6 "E" sinif şagirdlərinin AXC-nin 100 illiyinə həsr olunmuş tədbir keçirildi. Görüşdə məktəb müdriyyəti, müəllim, valideyin və şagirdlər iştirak edirdilər. Onlar yubiley münasibəti ilə maraqlı ədəbi-bədii kompozisiya hazırlamışdılar. Məktəblilər zalda dövlət himni səsləndikdən sonra AXC-nin yaranması tarixinə həsr olunmuş video-çarx təqdim etdilər.Onlar tədbir boyunca müstəqil dövlətimizin yaranma tarixi haqqında məlumat verərək, gözəl şeir, mahnı və rəqslərlə də izləyiciləri sevindirdilər.Hamı tərəfindən böyük maraqla izlənilən bu tədbir məktəbin ictimai həyatında öz izini buraxa bildi.
