AXC-nin 100 illik yubileyinə həsr olunmuş musiqili-əyləncəli müsabiqə keçirildi
21 may tarixində 17 №-li tam orta məktəbdə AXC-nin 100 illik yubileyinə həsr olunmuş musiqili-əyləncəli müsabiqə keçirildi.Müsabiqədə məktəbin VI A, VI B,VI Ə,VI F sinif şagirdlərindən təşkil olunmuş komandalar iştirak edirdilər.Yarışma 3 mərhələdən təşkil olunmuşdur.Belə ki,komanda üzvləri I mərhələdə ”Salamlaşma” , II mərhələdə Azərbaycan, Amerika, İspaniya və İsrail ölkələrinin milli geyimləri, III mərhələdə isə həmin ölkələrin dilində səslənən mahnı və rəqslərlə izləyicilər qarşısında çıxış etdilər.Gözəl təqdimatla öz bacarıq və məharətlərini nümayiş etdirən iştirakçılar arasında VI F sinfini təmsil edən komanda I, VI A sinfi II, VI B sinfindən təşkil olunmuş komanda isə III yerə layiq görülərək qalib oldular.Müsabiqənin sonunda məktəbin direktoru Nazilə Əliyeva müsabiqə qaliblərini diplomlarla təltif edərək, onlara gələcəkdə yeni uğurlar arzuladı.
