MƏKTƏBIN XI SINIF ŞAGIRDLƏRI ILƏ GÖRÜŞ KEÇIRILDI
15 may tarixində 17 №li tam orta məktəbdə Bakı Şəhəri üzrə Təhsil İdarəsinin göstərişinə əsasən, XI sinif şagirdləri ilə Azərbaycan Turizm və Menecment Universitetinin nümayəndə heyəti arasında görüş keçirilmişdir.Tədbirdə universitetin dekan müavini Hüseyn Həsənov, Elm və İnnovasiya şöbəsinin metodistləri Sənubər Qənbərova, Füruzə Raşova, eyni zamanda Menecment fakültəsinin III kurs tələbəsi Nigar Fərəcullayeva, məktəb müdiriyyəti iştirak edirdilər.Görüşün əsas məqsədi məktəb məzunlarını universitetdə olan ixtisaslarla yaxından tanış etmək, bu ali təhsil ocağının üstünlükləri ilə onları məlumatlandırmaq idi.Məktəbin məzunları tərəfindən çox maraqla qarşılanan bu tədbirdə universitetin elmi- texniki bazasını işıqlandıran video təqdimat da təqdim olundu.Yüksək səviyyədə keçirilən bu görüşdə eyni zamanda məktəb məzunlarını maraqlandıran suallar ətraflı şəkildə cavablandırıldı.Sonda yuxarı sinif şagirdlərinə Azərbaycan Turizm və Menecment universiteti haqqında məlumat bülletenləri paylanıldı.
