“İngilis dili aylığı”na həsr olunmuş tədbir keçirildi.
12 may tarixində Xətai rayonu 17 №-li tam orta məktəbdə rus bölməsinin 3”B”, 4”C”, 4”D”, 4”B”, 6”C”, 7”C” sinif şagirdlərinin iştirakı ilə “İngilis dili aylığı” çərçivəsində “Dostluq şənliyi” adlı tədbir keçirildi. Tədbir məktəbin ingilis dili müəllimi Qasımova Sevinc tərəfindən maraqlı bir kompozisiya şəklində təşkil olunmuşdu. Tədbirdə bütün çıxışların ingilis dilində verilməsi təqdirəlayiq addım kimi hamı tərəfindən alqışlandı.Uşaqların gözəl geyimlərdə çiçəkləri simvolizə etməsi səhnə dekorasiyası ilə vəhdət təşkil edirdi.Tədbirin mövzusuna uyğun olaraq, heyvanların simasında dostluğun tərənnümü maraqlı bir şəkildə izləyicilərə çatdırıldı.Şagirdlərin çıxışı bir daha sübüt etdi ki, onların ingilis dilinin öyrənilməsinə olan maraqları çox yüksəkdir. Sonda məktəbin direktoru Əliyeva Nazilə xanım tədbir iştirakçılarına öz təşəkkürünü bildirərək, onlara sertifikatlar təqdim etdi.
