“Narkomaniyaya yox deyək ! “
11 may tarixində məktəbimizdə “Narkomaniyaya yox deyək“ şüarı altında yuxarı sinif şagirdləri ilə növbəti tədbir keçirildi. Tədbirdə bir sıra qonaqlar : Xətai Rayon Polis İdarəsi rəisinin şəxsi heyətlə iş üzrə köməkçisi polkovnik-leytenant İdris Məhərrəmov, Bakı şəhər Narkoloji Mərkəzin həkim –narkoloqu Yaşar Bədəlbəyli ,Xətai RPİ- nin Dövlət Yol Polisi şöbəsinin inspektoru polis mayoru Fərid Əhmədov, Xətai RVŞ – nin sədri Nazim Xıdırov, 34 №-li PB əməkdaşları :Leyla Cəfərzadə, Təyyar Süleymanlı və Samir İsmayılov iştirak edirdilər. Onlar şagirdlər qarşısında mövzu ilə əlaqədar geniş söhbət apararaq ,narkotik maddələrin insan həyatı üçün yaratdığı ağır fəsadlar haqqında məlumat verdilər. Daha sonra məktəbin 9”D” sinif şagirdi Gözəlov Rəvan çıxış edərək “Narkomaniya-əsrin bəlasıdır” mövzusunda öz fikirlərini iştirakçılarla bölüşdü. Gələn qonaqlar şagirdlər tərəfindən verilən sualları cavablandıraraq bəzi məqamlara aydınlıq gətirdilər. Sonda “Ağ ölüm“ adlı videofilm nümayiş etdirildi. Məktəbin ditrektoru Əliyeva Nazilə xanım gələn qonaqlara öz təşəkkürünü bildirdi.