Ulu öndər H.Əliyevin 95 illiyinə həsr edilmiş tədbir keçirildi
07 may tarixində məktəbimizdə ümummilli lider Heydər Əliyevin 95-illik yubileyinə həsr olunmuş tədbir keçirildi.Tədbirdə bir sıra qonaqlar,o cümlədən Bakı Şəhəri üzrə Təhsil İdarəsinin Təlimə Dəstək Mərkəzinin direktor müavini Züleyxa Ələkbərova və əməkdaşları: Kəmalə Həşimova, Elçin Quliyev, AR Təhsil İnstitutunun əməkdaşı İlham Hüseynov, məktəb müdiriyyəti, müəllim və valideynlər iştirak edirdilər.
Tədbiri sinif müəllimi İbrahimova Samirənin rəhbərliyi ilə 4Ə sinif şagirdləri təqdim etdilər. Təqdimatda kiçikyaşlı məktəblilər “Muzeyin xatirələri” adlı maraqlı bir kompozisiya ilə çıxış edərək personajların dialoqu vasitəsi ilə tamaşaçılara ulu öndərin həyata keçirdiyi islahatlar,imza atdığı sərəncamlar haqqında məlumatlar çatdırdilar. Eyni zamanda onun Azərbaycanı çox qısa bir müddətdə dünyanın qüdrətli, inkişaf etmiş dövlətə çevirməsi bir daha vurğulandı. Daha sonra şagirdlər H.Əliyevə həsr olunmuş şeirlər və musiqi nömrələri ilə çıxış etdilər. Sonda ümummilli liderə həsr olunmuş video-slayd nümayiş olundu. Məktəb müdiriyyəti və qonaqlar azyaşlı şagirdlərin böyük həvəslə ərsəyə gətirdikləri tədbiri yüksək qiymətləndirərək öz təşəkkürlərini bildirdilər.