“Gənc bioloqların yaradıcılıq müsabiqəsi”
09 aprel tarixində məktəbdə “Gənc bioloqların yaradıcılıq müsabiqəsi” keçirildi.Müsabiqənin təşkilatçısı məktəbin biologiya müəllimi Südabə Əfəndiyeva IX-XI sinif şagirdlərini bu yarışmaya cəlb etmişdir.Öz bilik və bacarıqlarını nümayiş etdirmək üçün məktəblilər “Sünbül”və “Lalə” adı altında komandalara bölünmüşdülər.Bu müsabiqənin keçirildiyi müddətdə yuxarı sinif şagirdləri biologiya və ümumiyyətlə,təbiət elmləri sahəsində aldıqları bilikləri nümayiş etdirdilər.Gözəl və əhatəli cavablar,maraqlı sualların qoyuluşu yarışmanın keçirilməsini daha da maraqlı etmişdir.Yarışma məktəbin müdriyyəti ,müəllimlər və digər şagirdlər tərəfindən maraqla izlənildi.Sonda münsiflər heyətinin qərarına əsasən “Lalə” komandası qalib gəldi.