“Narkomaniyaya yox deyək !” mövzusunda tədbir keçirildi
01mart tarixində Bakı şəhəri 17 nömrəli tam orta məktəbdə yeniyetmələr arasında hüquqa zidd əmələrə, zərərli vərdişlərə, nizam-intizam qaydalarına riayət olunmasına, müəllim-şagird münasibətlərinin normalara uygun olması və “Narkomaniyaya yox deyək!” mövzularında Bakı şəhəri BPİ-NMİ-nin baş əməliyyat müvəkkili polis polkovnik leytenantı Şirəli Babayev, Bakı şəhər BPİ – nin veteranlar şurasının sədri Emin Məmmədov, Xətai RPİ-nin veteranlar şurasının sədri Nazim Xıdırov, Xətai RPİ-nin veteranı Həsən Qarayev, 34 PB-nin YYÇ üzrə inspektoru polis mayoru Təyyar Süleymanlı, 34 PB-ni YYÇ üzrə inspektoru polis baş leytenantı Samir İsmayılov, 17 N-li tam orta məktəbin direktoru Nazilə Əliyeva ilə yuxarı sinif şagirdləri arasında görüş keçirildi. Tədbir zamanı yuxarıda adı çəkilən mövzular ətrafında geniş söhbət aparıldı. Tədbirdə məktəbliləri maraqlandıran suallara cavab verməklə, diskusiyalar da keçirildi. Əsrin bəlası sayılan narkomaniya və onun fəsadları mövzusu üzrə geniş izahat işləri aparıldı. Görüşün məqsədi yeni sağlam nəslin yetişməsinə dəstək olmaq idi.
Tədbirin keçirilməsi iştirakçılar tərəfindən təqdirəlayiq bir addım kimi qeyd olundu.
