20 yanvar faciəsinə həsr olunmuş əbədi-bədii kompozisiya keçirildi.
Azərbaycan Respublikası Prezidentinin Administrasiyası rəhbərinin “20 yanvar faciəsinin iyirmi səkkizinci ildönümünün keçirilməsi ilə bağlı Təbbirlər Planı haqqında” 20 dekabr 2017 –ci il tarixli 198 № li Sərəncama əsasən , Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi yazılan 20 yanvar faciəsi barədə məktəbliləri daha genış məlumatlandırmaq ,gənclərdə vətənpərvərlik hissini yüksəltmək məqsədilə təsdiq olunmuş Bakı şəhəi üzrə Təhsil İdarəsinin Tədbirlər planını rəhbər tutaraq 17 № li məktəbdə də fəaliyyət proqramı tərtib edilmişdir. Buna uyğun olaraq məktəbdə ölkəmizin müstəqilliyi uğrunda mübarizədə canlarını qurban vermiş Vətən övladlarını yad etmək məqsədilə bir neçə iş aparılmışdır. Məktəbin foyesində həmin anları canlandıran sənədli filimlərdən parçalar nümayiş etdirilmiş , 20 yanvar faciəsinə həsr olunmuş xüsusi dərs və məşğələlər keçirilmişdir.Sinif saatlarında şagirdlər arasında söhbətlər aparılmış , eyni zamanda 20 yanvar ərəfəsində məktəbdə “Vətən şəhidləri ilə ucalır“ mövzusunda inşa yazı , məlum hadisələri canlandıran rəsm müsabiqələri təşkil olunmuşdur. Məktəbimizdə həmçinin 20 yanvar faciəsi ilə əlaqədar dəyirmi masa ətrafında mühazirələr dinlənilmişdir. Tədbirlər planına yekun olaraq 19 yanvar tarixində məktəbin tarix müəllimi Əliyeva Vüsalənin təşkilatçılığı ilə 6”e” sinif şagirdləri əbədi –bədii kompozisiya təqdim olundu.Tədbirdə şagirdlər N.Xəzrinin , B. Vahabzadənin şeirlərini səsləndirmiş , musiqi nömrələri , həmin hadisələri canlandıran səhnəciklər təqdim etməklə valıdeyn, müəllim və şagird kollektivinin yaddaşında dərin iz buraxdılar .Tədbir məktəbin direktoru Əliyeva Nazilə xanımın yekun nitqi ilə başa çatdı.