X Respublika üzrə rus dili və ədəbiyyat olimpiadası keçirilmişdir.
Rusiya FR, Müstəqil Dövlətlər Birliyi, Xaricdə Yaşayan Həmvətənlərlə İş və Beynəlxalq Humanitar Əməkdaşlıq üzrə Federal Agentliyinin Azərbaycan nümayəndəliyinin təşəbbüsü və Azərbaycan Respublikasında Rusiya Səfirliyinin, Beynəlxalq Humanitar Əməkdaşlıq üzrə Federal Agentliyinin nümayəndəsinin, AR Təhsil Nazirliyinin, Azərbaycanda rusdilli təhsil müəssisələri müəllimləri Assosiasiyasının təşkilatçılığı ilə 12 yanvar 2018 il tarixində “X Respublika üzrə rus dili və ədəbiyyatı olimpiadası“ həyata keçirilmişdir. Olimpiada məktəbimizdə çox yüksək səviyyədə təşkil olunmuşdur. Belə ki, yarışmada könüllü əsaslarla Nizami və Xətai Rayon rus və azərbaycan bölməsi üzrə VII-VIII sinif şagirdləri öz qüvvə və bacarıqlarını nümayiş etdirmişlər.
Olimpiada zamanı məktəbdə 2 mərhələ üzrə:
1.Yazılı tapşırıqların yerinə yetirilməsi.
2.”Gənc natiqlər“ yaradıcı müsabiqəsinin keçirilməsi istiqamətində iş aparılmışdır.
Təşkil olunmuş yarışmada Beynəlxalq Humanitar Əməkdaşlıq üzrə Federal Agentliyinin rəhbəri Denisov Valentin Petroviç, nümayəndə Yakutina Lyubov Timofeyevna və Bakı Şəhər Təhsil İdarəsinin nümayəndəsi Adil Əliyev iştirak etmişlər. Olimpiadada iştirak edən 200 nəfərdən artıq şagirdlər sertifikatlarla təltif olunmuşlar.
