Məktəbdə Azərbaycan Dövlət Neft və Sənaye Universitetinin professor-müəllim heyəti ilə görüş keçirilib
8 aprel 2016-cı il tarixdə Azərbaycan Dövlət Neft və Sənaye Universitetinin əməkdaşları, Energetika fakültəsinin dekanı Zakir Həsənov, Neft-mexanika fakültəsinin dekanı Əlihikmət Əhmədov, Kimya-texnologiya fakültəsinin kafedra müdiri Yunus Qəhrəmanlı, Elektromexanika kafedrasının müdiri Elbrus Əhmədov məktəbimizin qonağı oldular. Müəllim və şagird kollektivinin iştirak etdiyi bu görüşdə qonaqlar universitetin yaranma tarixi və fəaliyyətinin əsas istiqamətləri barədə video-çarxlar vasitəsi ilə ətraflı məlumat verdilər. Sonra qonaqlar müəllimləri və şagirdləri maraqlandıran suallara cavab verdilər. Məktəbin direktoru Kifayət Tanrıverdiyeva universitetin əməkdaşlarına minnətdarlığını bildirərək belə görüşlərin şagirdlər üçün böyük əhəmiyyət daşıdığını vurğuladı.
