Balaca Leylanın böyük ürəyi
Leyla Məmmədli 1”A” sinfində oxuyur. Dərslərinə yaxşı çalışır. Məktəbin ictimai işlərində fəal iştirak edir. Bədii qiraətə çox böyük həvəsi var. Məktəbdə aprel döyüşlərinə həsr olunmuş tədbirdə də fəal iştirak edərək Məmməd Arazın “Ayağa dur Azərbaycan!” şeirini söylədi. Onun çıxışı bütün tədbir iştirakçılarının marağına səbəb oldu. Düşmənə qarşı böyük nifrət hissi olan Leyla çox böyük məharətlə çıxış edərək öz vətənpərvərliyini sübut etdi. Tədbirdə iştirak edən aprel döyüşçüləri, qonaqlar və məktəb kollektivi onu ayaq üstə alqışladılar.
Aprel döyüşçüləri Leylaya Azərbaycan bayrağı hədiyyə etdilər.
Döyüşçülərin keçdiyi döyüş yolu bizlər üçün bir örnək və nümunədir. Torpaq uğrunda igidliklə vuruşan qəhrəman oğullar bizləri qorxmaz olmağa, torpağımızı düşmənə verməməyə, igid, mərd olmağa çağırır.
Nə qədər ki, Leyla kimi qorxmaz, vətənpərvər övladlarımız var, Azərbaycan bayrağı daima yüksəklərdə dalğalanacaq.
