Şagirdlərə məktəbli çantaları və dərs ləvazimatları hədiyyə olundu
16 sentyabr 2015-ci il tarixdə "Azərsun Holdinq" şirkətlər qrupunun maliyyə dəstəyi və 151 nömrəli tam orta məktəbin təşkilatçılığı ilə məktəbdə təhsil alan aztəminatlı ailələrdən olan şagirdlərə məktəbli çantaları və dərs ləvazimatlarının təqdim olunması mərasimi keçirildi. Şirkət nümayəndələri məktəblilərə dərs ilində uğurlar arzuladı, onların yüksək səviyyədə təhsil almaları üçün ölkəmizdə böyük işlərin görüldüyünü vurğuladılar. Məktəb rəhbərliyi və müəllim kollektivi öz növbəsində "Azərsun Holdinq" şirkətlər qrupunun rəhbərliyinə və bu tədbirin təşkil olunmasında əməyi keçən bütün əməkdaşlarına dərin minnətdarlıqlarını bildirdilər, onlara fəaliyyətlərində müvəffəqiyyətlər arzuladılar. Sonda tədbir iştirakçıları xatirə şəkli çəkdirdilər.
