151 №-li tam orta məktəb

Bütün təhsil müəssisələrində olduğu kimi, Bakı şəhəri Nəsimi rayonu 151 nömrəli tam orta məktədə də "Bilik Günü"nə həsr olunmuş təntənəli bayram tədbiri keçirildi. Tədbiri məktəbin direktoru Kifayət Tanrıverdiyeva giriş nitqi ilə açaraq hər kəsi salamladı, məktəblilərə, xüsusi ilə birincilərə gələcək təhsillərində uğurlar arzuladı, müəllimlərə yeni dərs ilində müvəffəqiyyətlər dilədi, valideynlərə şagirdlərin təhsil alması prosesində yaxından iştirak etməyi tövsiyə etdi, bütün tədbir iştirakçılarını ürəkdən təbrik etdi. Tədbirdə Nəsimi rayonu İcra Hakimiyyətinin əməkdaşı İsmaylova Vəfa Nürəddin qızı iştirak etdi .O ,şagirdləri yeni dərs ili münasibəti ilə təbrik etdi və onlara təhsildə uğurlar arzuladı .Daha sonra məktəbin ötən dərs ilində qazandığı uğurlar, şagird və müəllim kollektivinin əldə etdiyi nailiyyətlər barədə məlumat verildi. Sonda birincilər üçün "İlk zəng" çalındı. Yeni dərs iliniz mübarək!