Məktəbdə pedaqoji şuranın növbəti iclası keçirilmişdir
27 may 2015-ci il tarixdə 151 nömrəli tam orta məktəbdə pedaqoji şuranın növbəti iclası keçirildi. 2014-2015-ci dərs ilinin yekunlarına həsr olunan iclasda çıxış edən məktəbin direktoru Kifayət Tanrıverdiyeva cari dərs ilində görülmüş işlər, əldə olunan nailiyyətlər, həmçinin yol verilmiş nöqsanlar və müəyyən çatışmazlıqlara dair məlumat verdi. Gündəlikdə duran məsələlərlə bağlı məktəbin təlim-tərbiyə işləri üzrə direktor müavini M.Həsənov, tərbiyə işləri üzrə direktor müavini M.Qafarova, təsərrüfat işləri üzrə direktor müavini Ə.İsmayılov, məktəbin kitabxana müdiri M.Orucova (siniflər üzrə təhvil verilən dərsliklərin saxlanması vəziyyəti barədə) və metodbirləşmə rəhbərləri ətraflı çıxışlar etdilər. Daha sonra çıxışlar ətrafında geniş müzakirələr aparıldı, konkret məsələlərə dair qərarlar qəbul edildi. İclasın sonunda işlədikləri müddətdə, xüsusi ilə cari dərs ilində təhsildə əldə etdikləri uğurlara və məktəbin ictimai işlərində fəal iştiraklarına görə azərbaycan dili və ədəbiyyat müəllimləri Xuraman Babanlıya və Solmaz Süleymanovaya pedaqoji şuranın qərarı ilə rəhbərlik tərəfindən şəxsi işlərinə yazılmaqla təşəkkür elan edildi.
