Əlifba bayramı
22 və 27 may tarixlərində 151 nömrəli tam orta məktəbdə məktəblə tanışlığın bir ilini başa vuran 1a və 1b sinif şagirdlərinin "Əlifba" bayramı təşkil olunmuşdur. Məktəb həyatının ən məsuliyyətli ilk ilini başa vuran balacalar bu əziz bayrama xüsusi hazırlaşmışdırlar. Tədbirlərdə məktəb rəhbərliyi, müəllim kollektivi, valideynlər və digər siniflərin şagirdləri iştirak etmişdir.Bayram günündə birinciləri ilk təbrik edən məktəbin direktoru Kifayət Tanrıverdiyeva oldu. O, şagirdlərə Vətənə, millətə layiqli övlad kimi böyümələrini arzuladı, onlara dərslərdə daha məsuliyyətli, diqqətli olmağı tövsiyə etdi. Rəsmi hissədən sonra söz birincilərə verildi.Birincilər dərs ili ərzində əldə etdikləri bilik və bacarıqlarını nümayiş etdirməklə, şeirlər söylədi, müxtəlif səhnəciklər göstərdi, mahnı və rəqslər təqdim etdilər. Məktəbə gəldikləri ilk gündən öyrənməyin həyəcanını yaşayan, ilk məsuliyyəti, ilk yarış hissinin, ilk qiymətin fərəhini duyan balacalar beləcə öyrəndikləri "Əlifba" ilə elmin bütün sirlərindən agah olmağa doğru yol aldılar.Sonda valideynlər öz çıxışlarında məktəb rəhbərliyinə və sinif müəllimlərinə təşəkkür etdi, onların şagirdlərin inkişaf etdirilməsində rolunu yüksək qiymətləndirdilər.
