151 №-li tam orta məktəb

2015-2016-cı dərs ili üçün I sinfə şagird qəbulunun elektron sistem vasitəsilə həyata keçirilməsi barədə Azərbaycan Respublikası təhsil nazirinin 27 fevral 2015-ci il tarixli 242 nömrəli əmri və Bakı Şəhəri üzrə Təhsil İdarəsinin 03 mart 2015-ci il tarixli 115 nömrəli əmrinin icrasını təmin etmək məqsədi ilə 11 mart 2015-ci il tarixli 33 nömrəli əmrlə 151 nömrəli tam orta məktəb üzrə 10 nəfərdən ibarət işçi qrup yaradılmışdır. İşçi qrupuna məktəbin direktoru, təlim-tərbiyə, tərbiyə və təsərrüfat işləri üzrə direktor müavinləri, məktəb psixoloqu, məktəbin həkimi, məktəb üzrə Yerli Həmkarlar Komitəsinin sədri, ibtidai siniflər üzrə m/b-nin sədri, elektron sistem vasitəsilə ərizələrin qeydiyyatını aparan məsul şəxs və növbəti tədris ilində I siniflərdə dərs deyəcək müəllimlər daxil edilmişdir. Aprel ayından ərizələrin elektron qeydiyyatı həyata keçirilmiş və 1 may 2015-ci il tarixdən etibarən işçi qrup valideynlər tərəfindən təqdim olunmuş müvafiq sənədlər əsasında uşaqların qəbulunu həyata keçirmişdir. 2015-2016-cı tədris ilində məktəbdə azərbaycan və rus bölmələri üzrə hər birində 2 sinif olmaqla ümumilikdə 4 sinfin yaradılması nəzərdə tutulmuşdur.Bu günə kimi azərbaycan bölməsinə 30, rus bölməsinə isə 41 uşaq qəbul edilmişdir.Məktəbdə uşaqların I sinfə qəbulu davam edir.