Məktəbdə iməcilik keçirilmişdir
Ölkəmizdə ətraf mühitin mühafizəsi və ekoloji vəziyyətin yaxşılaşdırılması istiqamətində genişmiqyaslı işlər həyata keçirilir. 151 nömrəli tam orta məktəbin müəllim və şagird kollektivi, həmçinin texniki heyəti bu cür tədbirlərdə fəal iştirak etməklə yanaşı, məktəbin yerləşdiyi ərazidə, həyətyanı sahəsində və daxilində mütəmadi olaraq iməcilik işləri aparır. Belə ki, 9 may 2015-ci il tarixdə 151 nömrəli tam orta məktəbdə 9 may - Qələbə günü və 10 may ulu öndər Heydər Əliyevin anadan olmasının 92-ci ildönümü münasibəti ilə iməcilik keçirilmişdir. İməcilik zamanı məktəbin daxilində və həyətyanı sahəsində təmizlik işləri aparılmış, ağaclar və gül kolları əkilmiş, abadılıq işləri aparılmışdır.
