Gül bayramı - 2015
Azərbaycan xalqının ümummilli lideri, dünya şöhrətli siyasi xadim Heydər Əliyevin anadan olmasının 92-ci ildönümü münasibətilə Nəsimi rayonunda Gül bayramı təşkil olundu. Bakı Şəhəri Nəsimi Rayon İcra Hakimiyyətinin təşkil etdiyi Gül bayramında çiçəklərdən, yarpaqlardan və bitkilərdən hazırlanan rəngarəng kompozisiyalar görünüşü və ifadəliyi ilə seçilməklə, gözəlliyin hədsiz imkanlarını nümayiş etdirdi və hər kəsdə xoş ovqat yaratdı. Burada rəngbərəng güllərdən hörülən, yazın gəlişinə həsr olunan kompozisiyalar nümayiş etdirildi. Bayramda 151 nömrəli tam orta məktəbin pedaqoji, şagird və valideyn kollektivi də yaxından iştirak etdi. Məktəb şagirdləri asfalt üzərində təbaşir ilə rəsm və şəkillər, yağlı boya ilə çəkilmiş rəsm əsərləri, müxtəlif əl işləri və kompozisiyalar nümayiş etdirdilər. Həmçinin, qeyd etmək lazımdır ki, 151 nömrəli tam orta məktəb tərəfindən təqdim olunan güllərdən ibarət "Küp" və "Qadın paltarı" kompozisiyaları ziyarətçilərin böyük marağına səbəb oldu.Bayramda iştirak edən Nəsimi Rayon İcra Hakimiyyətinin başçısı Nəsib Məhəməliyev, Milli Məclisin deputatları Ziyad Səmədzadə, Asim Mollazadə və digər qonaqlar şagirdlərin əl işlərini yüksək qiymətləndirdi, onlara gələcək işlərində və təhsildə uğurlar arzuladı. Gül bayramında hər yan göz oxşadı, hər tərəf al-əlvan rəngə büründü.Artıq ölkəmizdə ənənə halı alan Gül bayramı dünyanın nadir gözəlliklərini təcəssüm etdirməklə ulu öndər Heydər Əliyevin xatirəsinin əbədiləşdirilməsi, ümummilli liderin doğum gününün bu cür möhtəşəm formada qeyd olunması ilə yadda qalır.
