Məktəbin IX sinif şagirdi Respublika fənn olimpiadasında qızıl medala layiq görülmüşdür
Məmmədova Nəzrin İlqar qızı məktəbin IX sinif şagirdidir. Nəzrin öz qabiliyyəti, istedadı və bilik səviyyəsi ilə yaşıdları arasında seçilənlərdəndir. Elmi biliklərini zənginləşdirərkən tədris olunan fənlərə heç bir zaman fərq qoymadan öz maraq dairəsini düzgün müəyyən etməyi bacaran, verilən tövsiyə və məsləhətlərə yaradıcı yanaşan şagirdlərdən biridir. Dəfələrlə məktəb daxilində və məktəbdənkənar keçirilən tədbirlərdə, müsabiqə və bilik yarışlarında iştirak edərək fərqlənmişdir. Zaman-zaman əldə etdiyi kiçik uğurlar, zəhmətkeşliyi, öz üzərində daim çalışması bu gün Nəzrinin ilk böyük qələbəsini əldə etməsinə stimul vermişdir. O, Respublika fənn olimpiadalarının bütün mərhələlərindən müvəffəqiyyətlə keçərək Azərbaycan dili və ədəbiyyat fənni üzrə Respublika birincisi kimi qızıl medala layiq görülmüşdür. Nəzrini, valideynlərini, ona dərs deyən fənn müəllimlərini məktəbin rəhbərliyi, müəllim və şagird kollektivi adından bu möhtəşəm qələbə münasibəti ilə təbrik edir, ona ölkəmizə layiq bir şəxsiyyət kimi daha yüksək zirvələrə ucalmasını arzulayırıq. Məktəbimiz Nəzrinlə qürur hissi duyur! Respublika fənn olimpiadalarının yekun turunda məktəbimizin XI sinif şagirdi Tahirli Fərid Kamran oğlu isə coğrafiya fənni üzrə iştirak etmiş, lakin yetərli bal toplamadığına görə qalib ola bilməmişdir.
