Məktəbin "Şahinlər" hərbi-idman komandası yarışlarda ilk beşlikdə qərarlaşmışdır
"Şahinlər” hərbi-idman oyunu Gənclər və İdman, Fövqalədə Hallar, Mədəniyyət və Turizm, Təhsil və Müdafiə nazirliklərinin, Könüllü Hərbi Vətənpərvərlik Texniki İdman Cəmiyyəti və Respublika Veteranlar Şurasının birgə qərarı ilə 1996–cı ildən başlayaraq orta məktəblərin yuxarı sinif şagirdləri arasında keçirilir. Məktəblilərin hərbi hazırlığının gücləndirilməsi, ordu sıralarında hərbi xidmətə hazırlığın yüksəldilməsi məqsədilə keçirilən bu yarışın çox böyük əhəmiyyəti vardır. 18 aprel 2015-ci il tarixdə Nəsimi rayon Gənclər və İdman İdarəsinin təşkilatçılığı ilə “Şahinlər“ hərbi-idman oyununun rayon birinciliyi keçirilmişdir. Bu birincilikdə məktəbimizin 14 nəfərdən ibarət (on oğlan, dörd qız) “Şahinlər“ komandası bu yarışa qatılmış, öz yarış hazırlıqları ilə münsiflər heyətinin ümumi qərarına əsasən 5-ci yerə layiq görülmüşlər. Komandamızın bütün üzvlərini təbrik edir və onlara gələcək yarışlarda daha böyük uğurlar arzulayırıq.
