Məktəbimizin fəxri
Almaslı Cəmilə Təyyar qızı 09.12.2002-ci ildə Bakı şəhərində anadan olub. Məktəbimizin 7-ci sinif şagirdidir.Musiqi ilə məşğul olur. G.Şaroyev adına 35 №-li musiqi məktəbinin fortepiano ixtisası üzrə 6-ci sinif şagirdidir.Ç.F.Mustafayev adına 25 №-li Uşaq və Gənclər Yaradıcılıq Mərkəzinin “Xalq rəqsləri” dərnəyinin üzvüdür. Mütəmadi olaraq nəinki respublikamızda, eləcə də bir çox xarici ölkələrdə rəqs müsabiqələrində, yaradıcılıq festivallarında iştirak edir.2013-cü ildə Türkiyədə keçirilən “23 nisan Beynəlxalq Uşaq xalq oyunları festivalı”nda, 2014-cü ilin iyul ayında Gürcüstanda keçirilən “Qafqaz - 2014" Beynəlxalq Uşaq festivalında respublikamızı təmsil etmişdir.Öz istedadı və bacarığı ilə fərqləndiyinə, xalq rəqslərimizi mahir ifa etdiyinə görə daim fəxri fərman və diplomlarla təltif olunub.Müasir və ictimai rəqs üzrə rəsmi Bakı şəhər çempionatlarında I yer tutmuşdur.X respublika “Родники души” rus klassik və xalq musiqisinin M.Y Lermontovun 200 illik yubileyinə həsr olunmuş baxış-müsabiqəsində kollektiv rus xalq rəqsi nominasiyası üzrə qalib olmuşdur.
