Vətənpərvərlik mövzusunda silsilə tədbirlər keçirilib
Şagirdlərə vətənpərvərlik və hərbi vətənpərvərlik hisləri aşılamaq məqsədi ilə məktəbdə bir sıra silsilə tədbirlər keçirilmişdir. Belə ki, döyüşlərdə şəhid olmuş və şücaət göstərmiş əsgər və zabitlərimizin gənc nəslə tanıdılması, onların qəhrəmanlıq nümunələrinin təbliği ilə əlaqədar şagirdlərin hazırladıqları təqdimatlar dinlənilmişdir. 11a sinif şagirdi Fidan Əliyevanın Çingiz Mustafayev və 5a sinif şagirdi Tural Həsənovun Mübariz İbrahimov haqqında geniş təqdimatları təqdim edilmişdir. Bundan başqa, “Vətən torpağı əzizdir mənə" adlı şeir və mahnı müsabiqəsi keçirilmişdir. Həmçinin, Azərbaycanın milli qəhrəmanlarına aid guşə hazırlanmışdır. Məktəblilərin müharibə veteranları ilə görüşü təşkil edilmişdir. Şagirdlərə "Dolu" filmi nümayiş etdirilmişdir. “Ordum varsa yurdum var” adlı geniş tədbir keçirilmişdir. Tədbirdə şagirdlər vətənpərvərlik mövzusunda müxtəlif şeirlər söyləmiş, mahnılar ifa etmiş və məktəbimizin “Şahinlər” hərbi-idman komandasının çıxışına baxılmışdır. Şagirdlərdə vətənpərvərlik və hərbi vətənpərvərlik hislərinin təbliğinin düzgün formalaşmasında belə tədbirlərin keçirilməsinin böyük rolu vardır.
