"Mülki Müdafiənin təmin edilməsi"
"Mülki Müdafiə" haqqında Azərbaycan Respublikası Qanununun, "Mülki Müdafiənin təmin edilməsi" barədə Azərbaycan Respublikası Nazirlər Kabinetinin 25 sentyabr 1998-ci il tarixli 193 saylı qərarının və digər rəhbər sənədlərin tələblərinin yerinə yetirilməsinə, Mülki Müdafiənin təşkilinə, qarşıya qoyulmuş vəzifələrin vaxtında və keyfiyyətlə həyata keçirilməsinə, ehtimal olunan və baş verə biləcək fövqəladə hadisələrin qarşısının alınması və nəticələrinin aradan qaldırılması məqsədilə məktəbin illik "Mülki Müdafiə Planı"na əsasən məktəbdə 24 aprel 2024-cü il tarixində Mülki Müdafiə Günü keçirildi.
Mülki Müdafiə Günü Azərbaycan Respublikasının Dövlət Himni ilə açıldı. Məktəbin direktor müavini Məmiş Nağıyev Mülki Müdafiə Günü münasibətilə tədbir iştirakçılarını salamladı. O, şagirdlərin fövqəladə hallara qarşı necə hazır olmasının yolları haqqında ümumi məlumat verdi.
