149 №-li tam orta məktəb

     Aprel ayının 23-də “İngilis dili aylığı” çərçivəsində və 23 Aprel - Ümumdünya İngilis Dili Günü ilə əlaqədar məktəbin ingilis dili müəllimi Yasəmən Hacımirzəyeva tərəfindən VI "F" sinif şagirlərinin iştirakı ilə “Shakespeare׳s life and heritage” adlı tədbir keçirilib. Tədbirin keçirilməsinin əsas məqsədi çoxdillilik ənənələrini möhkəmləndirmək, böyük  ingilis  şairi,  yazıçısı və dramaturqu  Vilyam  Şekspirin  irsini öyrənməkdən ibarət olub.

          Tədbiri giriş sözü ilə açan Yasəmən müəllim söyləyib ki, 23 Aprel - Ümumdünya İngilis Dili Gününün qeyd  edilməsi  böyük  ingilis  şairi, yazıçısı, dünyanın  ən  məşhur dramaturqu  Vilyam  Şekspirin  anadan  olduğu  günlə  bağlıdır.

    "Dahi Azərbaycan şairi Məhəmməd Füzulinin 530 illiyinin qeyd edilməsi haqqında" Azərbaycan Respublikası Prezidentinin Sərəncamının icrası ilə əlaqədar  aprel ayı ərzində “Məktəblərdə Məhəmməd Füzuli ayı” layihəsinə start verilib. Əsas məqsəd, məktəblilər arasında milli-mənəvi dəyərlərin təbliği, dahi şairin zəngin ədəbi-bədii irsi ilə bağlı gənc nəsli maarifləndirməkdir. 25 aprel 2024-cü il tarixində məktəb kitabxanasında dəyirmi masa təşkil olundu. Şagirdlərə dahi şairin həyat və yaradıcılığı haqqında məlumat verildi.  Qəzəl və rübayiləri şagirdlər tərəfindən ifa olundu.

    Dahi Azərbaycan şairi Məhəmməd Füzulinin 530 illiyi münasibətilə məktəbimizdə silsilə tədbirlər həyata keçirilir. 24 aprel 2024-cü il tarixində  "Məhəmməd Füzuli və Azərbaycan ədəbiyyatı" mövzusunda inşa yazı müsabiqəsi təşkil olundu. Qaliblər diplomla təltif olundular.

24 aprel 2024-cü il tarixində Ümummilli Lider Heydər Əliyevin 101 illik yubileyinə həsr olunmuş Xəzər rayon orta ümumtəhsil müəssisələrinin müəllimləri arasında keçirilən voleybol yarışında məktəbin idman komandası I yerə layiq görüldü.

Hazırda ingilis dili dünyada ən geniş yayılmış dillərdən biridir. İngilis dili dünyada diplomatiya, kommersiya, dənizçilik, elmi-texniki və kütləvi informasiya dili kimi məşhurdur. Zəmanəmizdə nəşr olunan ədəbiyyatın və kütləvi mətbuatın əksəriyyəti ingilis dilində dərc olunur. Bütün bu deyilənlərə görə ingilis dilinin öyrənilməsi hər kəs üçün həyati zərurət kimi qarşıda durur.

İngilis dili məktəbdə tədris olunan əsas fənlərdən biridir. Şagirdlər bu fənni böyük maraqla öyrənir. Bu dilin vacibliyini nəzərə alaraq aprel ayı məktəbimizdə ingilis dili ayı kimi qeyd olundu. Bu ay ərzində məktəbimizin şagirdləri ingilis dilində müxtəlif mövzularda referatlar, esseler yazdılar.  Məktəbin şagirdləri ingilis dilində danışan ölkələrin mədəniyyətinə, bayramlarına aid şəkillər çəkdi və əl işləri hazırladılar. Bu ayda məktəbimizdə “ingilis dili gecəsi” keçirildi. Gecədə tədbirin iştirakçılarına bu dil haqqında ətraflı məlumat verildi. Şagirdlər öz şeir parçaları, mahnıları, rəqsləri və səhnəcikləri ilə tədbiri daha da maraqlı etdilər. Tədbirdə İngiltərənin və Azərbaycanın görməli yerləri haqqında videoçarx da göstərildi. Bu ayda məktəbimizin ingilis dili müəllimi Aygün Baxşıyevanın nümunəvi dərsi dinlənildi. Dərs tam müasir, elektron interaktiv təlim metodlarına əsaslanan bir dərs idi. Dərs boyu şagirdlər fəallıq göstərdilər. Mövzu haqqında  ingilis dili müəllimi şagirdlərə ətraflı məlumat verdi, şagirdlər fərdi və qrup işi formasında müxtəlif tapşırıqlar yerinə yetirdilər. Bu dərs dinlənilənlər tərəfindən bəyənildi.

Bu cür aylıqların, tədbirlərin keçirilməsi şagirdlərin hərtərəfli inkişafına, fəallığına səbəb olur. İstərdik ki, şagirdlər ingilis dilini daha da yaxşı öyrənsin. Çünki bu zamanın tələbidir.