"Mühafizə və təhlükəsizlik qaydaları" mövzusunda təlimlər
Şagirdlərin təhlükəsizliyi, maariflənməsi məsələsində valideynlərin, ailələrin də üzərinə böyük məsuliyyət düşür. Bunu tamamilə məktəblərin və yaxud tədrisin üzərinə atmaq düzgün olmaz. Valideynlər də öz uşaqları ilə bağlı söhbətlər aparmalı, pis vəziyyətdən, ağır situasiyalardan çıxmağın yolunu göstərməli, çətin durumla üzləşməməklə bağlı xəbərdarlıq etməlidirlər. Valideynlər uşaqların davranışı, hərəkətləri barəsində məlumatlı olmalıdırlar və elə bir sistem yaratmalıdırlar ki, uşaq onlara etibar etsin, bütün mənfi məsələ barəsində ailələrinə məlumat versin.
Ümumilikdə, hər bir vətəndaşımızın, ilk növbədə uşaqların qorunması ümumcəmiyyət məsələləridir və bu məsələdə heç bir zaman biz sayıqlığımızı itirə bilmərik”.
