Rəsul Əlioş oğlu Ənnağıyev 1973-cü il iyunun 29 da Bakı şəhərində anadan olmuşdur. 1980 ci ildə 141 nömrəli tam orta məktəbin I sinfinə getmiş, 1990- cı ildə həmin məktəbi bitirmişdir. Həmin ildə də Azərbaycan Memarlıq və İnşaat texnikomuna daxil olmuşdur.
1991-ci ildə hərbi xidmətə çağrılmışdır. Hərbi xidmətini Daxili qoşunlarda etmişdir.
1992 - 1993 -cü illərdə hərbi xidmətini Azərbaycanın azadlığı uğrunda gedən döyüşlərdə davam etmişdir.. O, Ağdamın Canyataq, Gülyataq kəndləri və Ağdərənin Güllücə kəndində və s. döyüş bölgələrində iştirak etmişdir.
1993- cü il martın 18-də Ağdərə rayomu uğrunda gedən döyüşlərdə şəhid olmuşdur. 1993-cü il martın 19-da Bakıda "Şəhidlər Xiyabanı" nda dəfn olunmuşdur.
R.Ənnağıyev Azərbaycan Respublikası Prezidentinin Sərəncamı ilə 09.03.2007-ci il tarixdə "Hərbi xidmətlərə görə" medalı ilə təltif edilmişdir.
Diqqətinizə çatdırırıq ki, 1998-ci ildə Suraxanı rayonu 141 nömrəli tam orta məktəbə şəhid Rəsul Ənnağıyevin adı verilmişdir.