“Mütaliə Günü”
Martın 14-də 135 nömrəli məktəbin 5A sinfində Azərbaycan dili və ədəbiyyat müəllimi Gülnar Məhərrəmova və kitabxana müdiri Nigar Hacıyevanın birgə təşkilatçılığı ilə “Mütaliə Günü” keçirilib. Tədbirdə şagirdlər bir-birilərini kitab oxumağa təşviq edərək, kitab oxumağın faydaları barədə müzakirələr aparıblar. Oxuduqları kitablar haqqında sual-cavabda iştirak edərək, oxuduqları əsərlərin təhlilinə dair geniş fikir mübadiləsi aparıblar. Bu cür fəaliyyətlər şagirdlərin kitab sevgisini artırmaq və onların intellektual inkişafına müsbət təsir göstərmək məqsədini daşıyır.
