Milli QHT Forumunun rəhbərliyi "Oriqami" uşaq və yeniyetmələr ictimai birliyinin fəaliyyəti ilə tanış olmuşdur
"Oriqami" uşaq və yeniyetmələr ictimai birliyinin təşəbbüsü ilə 18 aprel 2025-ci il tarixində Azərbaycan Milli QHT Forumunun İdarə Heyətinin sədri Ramil İsgəndərli və NTK sədri Fariz Əkbərov, AMQF könüllüsü Samir Əliyev uşaq birliyinə səfər etmişlər.
“Oriqami” QHT-nin sədri Namiq Nəcəfov Bakıətrafı kənd və qəsəbələrdə icra olunmuş layihələr barədə ətraflı məlumat vermişdir. Kənd və qəsəbələrdə yaşayan istedadlı yeniyetmələrin üzə çıxarilması sahəsində qabiliyyət və bacarıqların inkişafına nümunə olaraq onlardan bir qrupunun əl işləri ilə-rəngarəng oriqami fiqurlarını nümayiş etdirmişdir.
Görüşdə Nardaran qəsəbəsi 130 № li tam orta məktəbin VI b sinif şagirdi Nağıyev Hacıəli , VI a sinıf şagirdi Babayeva Zeynəb, VI c sınıf şagirdi Həsənova Xədicə, VI c sınıf şagirdi Bibiquluzadə Məhəmməd və məktəbin xarici dil müəlliməsi Cəlali Sənubər iştirak etmişlər.
Şagirdlərlə ana dilində aydın və səlis danışmaq, xarici dil (ingilis, rus dilləri) bacarıqlarına yiyələnmək üçün səslərin tələffüzünə xüsusi ilə diqqət yetirmək, fərd olaraq, özündə, ilkin natiqlik vərdişlərinin formalaşmasına səy göstərmək, asudə vaxtlarını daha məzmunlu keçirtmək mövzularında sərbəst müzakirələr aparılmışdır.
AMQF Forumunun İdarə Heyətinin sədri Ramil İsgəndərli görüşün sonunda Nardaran qəsəbəsi 130 № li tam orta məktəbin təmsilçilərinə xatirə hədiyyələri təqdim etmişdir.
“Oriqami” QHT-nin sədri Namiq Nəcəfov
