"Qədim türk diyarı-Naxçıvan" adlı intellektual yarış keçirilib
"Naxçıvan Muxtar Respublikasının 100 illik yubileyinin qeyd edilməsi haqqında" Azərbaycan Respublikası Prezidentinin 30 dekabr 2023-cü il tarixli 4248 nömrəli Sərəncamının icrasından irəli gələrək Naxçıvanın geosiyasi mövqeyi, XX əsrin əvvəllərində baş verən siyasi hadisələr, Naxçıvan Muxtar Respublikasının yaradılması, Naxçıvanın qədim tarixi, etimologiyası, mədəni irsi və tarixi abidələri haqqında uşaq və gənclərin maarifləndirilməsi məqsədilə cari ilin dekabr ayı ərzində "Məktəblərdə Naxçıvan ayı" layihəsinin keçirilməsi nəzərdə tutulmuşdur.
Bununla əlaqədar olaraq Tədbirlər Planına əsasən 17.12.2024-cü il tarixində məktəbdənkənar və sinifdənxaric işlər üzrə təşkilatçı vəzifəsini icra edən Yeganə Dadaşovanın rəhbərliyi, tarix müəllimləri Məhəbbət Tarverdiyev və Günel Ağayevanın təşkilatçılığı ilə lX, X, Xl sinif şagirdləri arasında "Qədim türk diyarı-Naxçıvan" adlı intellektual yarış keçirilib. Yarış lX sinif şagirdlərinin qələbəsi ilə sona çatıb, iştirak edən şagirdlər "Təşəkkürnamə" ilə təltif olunublar.
