"İdmansevərlər" layihəsi çərçivəsində tədbir keçirilib
"İdmansevərlər" layihəsi çərçivəsi üzrə Tədbirlər Planına əsasən məktəbin fiziki tərbiyə müəllimləri Nəbati Nurəliyev və Nərmin Qasımovanın təşkilatçılığı ilə 16.10.2024- cü il tarixində idmanın müxtəlif növləri üzrə nailiyyəti olan məktəbli idmançıların V B sinfi ilə görüşü keçirilib. Tədbiri giriş sözü ilə açan Nəbati Nurəliyev idmanın sağlamlığa faydaları haqqında danışıb. Daha sonra məktəbin yüksək nailiyyət qazanmış idmançılarından Abbas İslamov və Ağahüseyn Zəkiyev şagirdlərə təqdim olunub. Onların keçdiyi həyat yolu və qazandığı nailiyyətlər müəllimlər tərəfindən xüsusi vurğulanıb. Tədbirin son hissəsi sual- cavab formatında təşkil olunub və V B sinfinin şagirdləri onları maraqlandıran suallara cavab tapmağa çalışıblar. Sonda müəllimlər idmançılara təşəkkür edərək onlara nailiyyətlərinin davamlı olmasını arzulayıblar.
