Kitabxanada "Yaşıl Dünya Naminə həmrəylik ili" tədbiri keçirilib
Məktəbin kitabxanasında "COP29" və "Yaşıl dünya naminə həmrəylik ili" tədbirlər planına əsasən “Nizami Gəncəvi yaradıcılığında təbiət sevgisi” mövzusunda şagirdlərlə dəyirmi masa təşkil olunmuşdur. Kitabxana müdiri Rəhimova Ülkər çıxışında Nizaminin böyük humanist şair kimi hər zaman insan ləyaqətini tərənnüm etdiyini vurğuluyub. “Nizami Gəncəvinin dahiliyi həm də ondan ibarətdir ki, o, müasir dövrdə baş verən ekoloji böhrana öz dövründən sanki proqnoz verərək baxmış, problemlərin həlli yoluna işarə etmişdir” - deyə bildirib. Kitabxanaçı Süleymanova Səidə həmçinin vurğuluyub ki, dahi şair bütün əsərlərində insanları təbiəti sevməyə, ona qayğıkeş münasibət göstərməyə çağırıb. Tədbirdə şagirdlər Nizami Gəncəvinin "Sirlər xəzinəsi", “Xosrov və Şirin”, “Leyli və Məcnun” və digər poemalarını müzakirə etmişlər. Sonda şagirdlər şairin “Yeddi gözəl” poemasındakı “Bəhramın ova çıxması və gurları dağlaması” hekayəsini oxuyub təhlil etmişlər.
