MƏKTƏBDƏ NOVRUZ ŞƏNLİYİ KEÇİRİLİB
Martın 17-də Bakı şəhəri Şəfiqə Əfəndizadə adına 13 saylı tam orta məktəbin akt zalında Novruz şənliyi tədbir keçirilmişdir. Milli adət ənənələrə əsasən bəzədilmiş, qədimi xalılar salınmış, səmənilər, şamlar düzülmüşdür. Xonçalar bəzədilmiş, rəngli yumurtalar hazırlanmışdır. Milli adət-ənənələrimizə sadiq qalaraq keçəl və kosa da öz çıxışları ilə tədbirə rəng qatdılar. İlk olaraq zala milli geyimdə şagirdlər daxil oldular. Əvvəl baharın gəlişi və adət -ənənələri haqqında məlumat verdilər, yaz və Novruz bayramına aid şeirlər dedilər. Sonra qızlar milli geyimdə rəqs etdilər, bayram haxışdaları söylədilər. Səhnəciklər göstərdilər.
