“Tədrisin keyfiyyətinin yüksəldilməsində məktəblərarası əməkdaşlığın əhəmiyyəti”
Azərbaycan Respublikasının Təhsil Nazirliyinin Təhsildə inkişaf və innovasiyalar üzrə I qrant müsabiqəsi çərçivəsində “Tədrisin keyfiyyətinin yüksəldilməsində məktəblərarası əməkdaşlığın əhəmiyyəti” layihəsi ilə əlaqədar məktəbimizdə 13,144,182,245,314 N-li məktəblərin rəhbərləri, nümayəndələri və Kiçik Akademiyaçı şagirdləri ilə görüş keçirildi.Görüşdə yuxarda qeyd olunan məktəblər 13 N-li tam orta məktəbdə fəaliyyət göstərən Kiçik Akademiyanın guşəsi ilə tanış oldular. Məktəbin direktoru Yaqut Sadıqova cıxış edərək bildirdi ki, görüşün məqsədi məktəblərin iş təcrübəsi, müəllimlərin təcrübə mübadiləsi və metodik işin təşkilini təkmilləşdirməkdən ibarətdir.
