Məktəbdən yeni təşəbbüs
Məktəblilərdən ibarət Məktəbin Mühafizə Klubu (MMK) yaradılıb. Bakı Şəhəri üzrə Təhsil İdarəsinin tabeliyindəki Ş.Əfəndizadə adına 13 nömrəli tam orta məktəbdə fəaliyyət göstərən kluba V-XI sinif şagirdləri arasından sədr və üzvlər seçilib. Klubun Fəaliyyət Planı hazırlanıb.Klubun yaradılmasında əsas məqsəd məktəbdə nizam-intizamı möhkəmləndirmək, məktəblilərdə fərdi məsuliyyət hissini gücləndirmək, məktəbin təmizliyini qorumaq, dərsə marağı artırmaq, tənəffüs zamanı şagirdlərin daha nümunəvi davranışına nail olmaq, məktəblilər arasında dostluq ruhu və daha sağlam münasibətlər formalaşdırmaqdan ibarətdir.Məktəb rəhbərliyi tərəfindən hər həftənin V günü dərsdən sonra MMK üzvlərinin həftəlik fəaliyyətinə həsr olunmuş toplantının keçirilməsi nəzərdə tutulur.
