Azərbaycanın Xalq şairi Nəriman Həsənzadə ilə görüş
02 iyun 2017-ci il tarixdə məktəbdə Kiçik Akademiyanın “Mütaliə sevərlər” kafedrasının təşkilatçılığı ilə Heydər Əliyev mükafatı laureatı, Şöhrət ordeni ilə təltif olunmuş Azərbaycanın Xalq şairi Nəriman Həsənzadə ilə görüş keçirilmişdir. Tədbirdə məktəbin V-XI sinif şagirdləri, valideynlər,müəllimlər, məktəb rəhbərliyi,182 və 217 nömrəli tam orta məktəblərin direktorları Zinyət Tağıyeva, Bənövşə Cəfərova və İncəsənət Gimnaziyasının müəllimi Pərvanə Talıbova iştirak etmişdir.Kiçik Akademiyanın “Mütaliə sevərlər “ və Ədəbiyyat”kafedrasının üzvüləri Nəriman Həsənzadə yaradıçılığında “Vətən “, " Ayrılıq” və “Ana”mövzusunda apardıqları tədqiqat işlərini nümayiş etdirmişdilər. Məktəbin direktoru Yaqut Sadıqova öz yazdığı ( N.Həsənzadənin anası ilə bağlı müsahibəsi ilə əlaqədar) ”Ana şeirini ifa etmişdir. Şair bu görüşdən çox razı qaldığını bildirmiş və Kiçik Akademiyanın işini yüksək qiymətləndirmişdir.
