" Son zəng "
13 N-li tam orta məktəbdə Son zəng tədbiri keçirildi. Tədbiri məktəbin direktoru Yaqut Sadıqova açaraq məzunları təbrik etdi. 2014/2015-ci tədris ilində qazanılan uğurlardan danışaraq bildirdi ki, bu tədris ilində Respublika fənn olimpiadalarının yarım final mərhələsinə məktəbimizin 2 nəfər şagirdindən biri I yerə, digəri isə II yere çıxmışdır. Onlardan 11b sinif şagirdi Qafarlı Elnarə Eldar qızı final mərhələsində III yerə çıxaraq Bürünc medala layiq görülmüşdür. “Parlaq Zəka” intellektual oyununda şagirdlərimiz iştirak edərək III yerə çıxmışdır. “Milli Mənəvi İrsimiz - Bizim Tariximizdir” diyarşünaslıq olimpiadasında–Qafarlı Elnarə-11b, Əhmədzadə Sahil-10a, Məmmədova Nərmin-10a sinif şagirdlərindən ibarət məktəbimizin komandası iştirak edərək II yerə çıxmışdır. İdmanın müxtəlif növləri üzrə şagirdlərimiz Beynəlxalq yarışlarda uğurla iştirak edərək 7 Qızıl medal və 6 Gümüş medal qazanmışdır.
