Beynəlxalq Ana Dili Günü
Məktəbin kitabxanasında “Beynəlxalq Ana Dili Günü”nə həsr olunmuş tədbir keçirildi. Tədbirdə şagird və müəllim kollektivi iştirak etdi. Tədbir aparıcısı Beynəlxalq Ana dili gününün yaranması haqqında məlumat verdi. Sonra şagirdlər hazırladıqları şeirlərlə çıxış etdilər. Tədbirdə Ana dilimizə aid musiqilər, şəkil və videolardan ibarət slayd da nümayiş olundu. Ana dili və Ədəbiyyat müəllimləri şagirdlərə Ana dilimizin tarixi haqqında maraqlı məlumatlar çatdırdılar.Tədbirdə Ümummilli lider Heydər Əliyevin dilimizin inkişafında göstərdiyi xidmətlər barəsində geniş söz açıldı. Sonda müəllimlər şagirdlərə öz təşəkkürlərini bildirdilər. Tədbir ulu öndərimiz Heydər Əliyevin video çıxışı ilə sona yetdi.
